「美食博覽2019」早前淪為內地旅客打卡景點，拖喼客的天堂，今年因為「逃犯條例」引發的各種社會衝突，令國內遊客數字大跌，取以代之一眾香港人一家大細到場同樂，不少父母推「BB車」進場也綽綽有餘，大人有本地咖啡手工啤，細路可以食蛋糕牛角包，輕鬆渡過周末。
以往「美食博覽」首天的水洩不通，今年人流明顯下降，有檔主指往年掃貨最多、連人帶喼的國內遊客今年「一個都見唔到」，估計受近日連串遊行集會和警民衝突事件影響，8月18日（星期日）由民陣發起的港島區遊行，有可能直接影響到當日人流，檔主擔心當日有機會緊急暫停開放，影響整體生意額。部分檔主有見及此，都紛紛推出特別優惠，「本來做（美食）博覽都一定有場內特別優惠，今年會再做多些，希望吸引入場人士消費」，加上會場道路明顯比去年暢通，適合一家大小同遊，小朋友有更大空間奔走，甚至手抱嬰兒、推「BB車」的家長也較輕鬆。
昨日與丈夫一起去美食展的綺琪表示，今年美食展只要加少少錢，可以去三樓尊貴美食區。她說：「今年相比去年少人，三樓好多特別的食物，例如本土的綠茶手工啤、紅酒、黑松露咖啡、黑松露PIZZA，小朋友可以食蛋糕，除左有芒果味，仲有無花果和西瓜味，130蚊有三件，可以分享。如果去沖咖啡的地方，小朋友可以食到流心鹽蛋皇牛角包，都係一流。食飽可以去埋睇日本生果，有晴王，日本桃，夕張蜜瓜等。 」另外，在電器展中，部份店鋪安排兩周內免費送貨，方便沒有車的父母購置大型電器。
此外，今年第二次推出環保餐具借用服務，只需按金$20可借用環保餐具代替場內提供的即棄餐具，甚至連場刊也有電子版，減少紙張浪費。家長帶同小朋友遊博覽之同時，亦可作環保親子教育。而且今年場內有不少標榜「無添加」的可口健康零食，小朋友更多選擇。
2019美食博覽
- 日期：8月15至19日
時間：（8月15至18日）10:00-22:00；（8月19日）10:00-18:00
地點：香港會議展覽中心
風新聞 